嘩嘩～我開左甘耐ｘａｎｇａ～終於都開始打呢個日記了～記得以前係因為ｒｅｐｌｙ粉腸先至開～個陣其實唔知有得自己打日記！！

　　唔～尋日屋企團拜～去左元朗８姨屋企～佢屋企．．細左～因為有左個女多野放～但係依然好多精品．．．做佢個女幸福到癲～可能都係因為甘～我既５歲表妹～十分ｎａｕｇｈｔｙ．．．去到真係悶到死～大人響度打牌～細到十歲至十零歲既表妹睇ｂａｒｂｉｅ．．讀中四既表弟用電腦睇超人～廿ｘ歲－三十歲既表姐們就傾閒計．．．我真係唔敢想像點解我同表妹們同年齡但係喜好會甘唔同．．．結果～我選擇左坐去至錫我既姨媽度睇佢打牌．．．順便ｄａｙ－ｄｒｅａｍｉｎｇ一下～去完呢個團拜之後～我發覺我唔係好識同ｄ姨媽阿姨個ｄ相處～可能係見得少既原故．．．我係屬於企埋一邊禮禮貌貌個隻．．．阿哥就比我圓滑得多～但係其實佢只係抱住”車～一年先見一次～假咪假下囉～”大家都知．．．我唔識假～鍾意唔鍾意都放哂響面上～所以我就圓滑唔到．．．其實我進步中～我對外人可以少少圓滑到．．．但係我覺得連自己人都假．．．甘完全冇意義．．．

　　仲有～我個日咩都冇食．．．因為驚牙痛．．．但係阿哥竟然講笑話我減肥～搞到食盆菜個陣ｄ姨媽姑姐勁話”唔好減啦～你睇你面青青甘”個陣我即刻敵視我阿哥．．．．哼哼．．．岩岩食完之際～粉腸打比我～說抱歉成日放我飛機～搞到ｈａｒｒｙ　ｐｏｔｔｅｒ落左畫都睇唔到．．．其實我心裡面真係覺得幾遺憾～不過又未至於嬲佢既．．．不過佢話第日叫我去ｃｉｔｙ開間ｒｏｏｍ淨係我地２個睇私人影院～哈～先算啦～之後吹左一陣水～講開我想讀佢讀梗既ｊａｎａｎｅｓｅ　ｓｔｕｄｉｅｓ～佢話我知ｎｏｎ－ｊｕｐａｓ冇得”關ｌｏｎｅ”．．．唔係卦．．．．甘貴我邊讀得起．．．．覺得勁ｕｐｓｅｔ．．．．．．．！希望唔係真的．．．．．

　　走既時候～全程傾電話～ｓｏ　ｇｒｅａｔ！ｉ　ｅｎｊｏｙ　ｉｔ　ｖｅｒｙ　ｍｕｃｈ～因為唔使對住姨媽姑姐們～我恨不得自己走ｔｉｍ～

　　至於今日（初二）～冇野好講～起身～飲茶～我個衰家姐黎左～ｂｒｉｎｇ埋個細女～好陰公．．．個３歲既ｏ靚妹右眼瘀哂．．．（話同個大既女打交整到）．．．真真肉痛死人！！痴線．．．又唔睇住ｄ女～討厭～有時真係想話留個細響度唔比佢～但係佢始終係個細路既阿媽．．．而且冇甘大個頭當然唔好戴甘大頂帽．．．希望佢唔會好似佢家姐甘啦．．之後ｈａｅ下又去食飯～食完就作左２段文傾左粒零鐘電話甘～ｖｉｃｔｏｒ仍自己仲未知會去邊度讀書．．．其實佢講到２邊都有好有唔好．．．不過比我一家去Ａｕｓｔ～不過佢一去就３～４年了～驚有ｄ　ｆｄ會冇左～不過ｆｄｓｈｉｐ呢ｄ．．～一個人想維繫係冇用既．．．但係只要２個人都有心～就算去到邊都可以維繫到～所以呢．．．呢個唔係決定因素！

　　今日又同湘湘間斷地ｃｈａｔ　ｏｎ　ｍｓｇ～其實呢．．．我覺得冇話做唔做得成朋友～即係如果你主動ｄ～始終你地一齊過～佢點都唔會話唔同你做ｆｄ～不過依家要比ｄ時間佢先．．．因為佢始終係ｓｔｒｕｇｇｌｅ響做左衰人個個位個度～等時間淡化了．．．大家再ｃｏｎｔａｃｔ～這是絕對冇問題的！所以～唔使驚～知道嗎～？